OUTJO WILDSFEES –
|
|
Die 14 de Windhoek Draught Outjo Wildsfees vind plaas op die 28 & 29 April 2017 by Sophienhof Lodge 10km uit Outjo op die Khorixas pad. Dit beloof om weereens ‘n fees te wees om te onthou! Die hekke maak Vrydag 8h30 oop vir besoekers. Daar is talle aktiwiteite vir die hele gesin. Vrydag oggend skop ons aktiwiteite af met verskeie inligtings praatjies in die Veilingstent. Praatjies handel oor Animal and Human Conflict, bewaring van renosters in ons land en Efekto sal ook ons kinders kom leer hoe om self te plant en die oeste daarvan kan geniet. Vrydag middag sal die manne geleentheid kry om die Baarde en Vellies Skaapkop feesmaal te kom geniet. Die welbekende Rodeo trek hierdie jaar ‘n ander baadjie aan met ‘n opwindende “Ranch Rodeo” kompetisie tussen Namibiese en Suid-Afrikaanse rodeo ruiters wat alreeds Vrydag afskop. Daar is altyd geleentheid vir die amateurs om ook ‘n kans te vat op een van die bulle. Groot pryse te wen! Wat is nuut hierdie jaar? Die fees stel bekend die Vermaaklikheids arena! Hier vind kompetisies deur die loop van die naweek plaas, soos die naelbyter “Fear Factor”, Kududrol spoeg en Olifantdrol stoot, Boeresport en ‘n Sterkman kompetisie om maar net ‘n paar te noem. Hier sal ook demonstrasies plaasvind en ‘n vuurige “Kickboxing show” om nie te mis! Die Kinder pretpark sal seker maak die kinders geniet elke oomblik van die fees. Die Genot Grot babasorg sal jou kleinding besig hou en sorg dat mamma en pappa ook die fees kan geniet. Moenie ons WILLE Twee been Gelukbringers mis op die terrein nie! Saterdagoggend skop die fees af met ‘n Fiets Pretren vir oud en jonk. Ander aktiwiteite sluit in Skyfskiet kompetisie, Elektronies Rodeo Bul en ‘n “Foam Party” vir die tieners. Verskeie speletjies is beskikbaar vir oud en jonk op die terrein. |
VERMAAK 2017
Top Suid-Afrikaanse kunstenaars soos Leah, Adam Tas,
Die Broers en Snotkop asook Namibiese talent; Len Nel, Danie Prinsloo, Werner van Zyl en Vaughn Ahrens sal die verhoog deel en sorg vir musiek en vermaak uit die boonste rakke. Proe en Kuier Tent
 Shoprite & Checkers Namibian Champion Boerewors Competition
Die immer gewilde Proe & Kuiertent bied ‘n dames ontbyt ten bate van die Outjo Kankerfonds met vermaaklikheid uit die boeke. ‘n Mooi Storie deur Lizz Meiring sal sorg vir die beste vermaak en Rocco de Villiers sal die ontbyt afsluit met ‘n skater lag!
Shoprite Checkers bied ook hierdie jaar ‘n uitdun rondte vir die al om bekende Shoprite Checkers Boerewors kompetisie. Die wenner van die rondte gaan direk deur na die finale rondte in Windhoek en staan ‘n kans om ‘n Toyota Bakkie te wen. Inskrywings moet voor die 10 de April ingehandig word. Sushi, fondant en vele ander demonstrasies vind ook in die tent plaas. Besoekers kan proe aan wyn, kaas, sushi, verskillende soorte wildsvleis en nog vele meer. |
WILDVEILING
|
Die baie suksesvolle jaarlikse Wildsveiling word in samewerking met die Otjikondo Boerevereniging en Du Preez Wild aangebied. Top gehalte genetika van veral Bastergemsbok bly ‘n groot aantrekking vir Wildtelers. Hierdie Katalogus veiling vind plaas op Saterdag 29 April @ 12h00.
Voor die veiling sal Mike Bredenkamp van die Namibiese Wildteel Assosiasie en Danene van der Westhuizen van die Namibian Professional Hunting Association Wildtelers, -kopers en besoekers kom toespreek. Dit beloof om baie insiggewend te wees. |
|
Alcohol not be sold to persons younger than 18. Drink responsibly.
