Outjo Wildsfees

OUTJO WILDSFEES – DIE ENIGSTE WILDSFEES IN NAMIBIë!

Ons vier hierdie jaar die Outjo Wildsfees se 15de jaars bestaan op 4 en 5 Mei 2018 by Sophienhof Lodge, 10km uit Outjo op die Khorixas pad. Dit beloof om weereens ‘n fees te wees om te onthou en die belangrikste van als…Die Lekkerste Fees in Namibië!

Die jaar is ons fokus FAMILIE. So bring die hele gesin en deel in alles wat ons te bied het.

Stalletjies open alreeds om 08h30 elke oggend met ‘n verskeidenheid van produkte, inligting, speletjies en heerlike kos soorte om aan te smul.

Gedurende die dag skop ons die fees af met vermaak vanuit ons eie bodem. Jo Nichol, Andrè & Joggie en Just Jack sal sorg vir ‘n lekker opskop en jolligheid gedurende die dag.

Tydens 2017 het ons die eerste Baarde & Vellies Skaapkop langtafel vir die manne gebied en dit was omtrent iets spesiaals. Die jaar doen ons dit weer maar die keer groter. Daar gaan ook ‘n lekker “Conjak” of twee wees om aan te proe en ‘n lekker verrassing prys om te wen.

Suid-Afrikaanse sangers Appel, Liezel Pieters, Arno Jordaan en R&R Duo sal Vrydagaand die verhoog deel en sorg vir musiek en vermaak uit die boonste rakke.

Die welbekende Rodeo bied hierdie jaar weer ‘n vuurwarm vertoning tussen Namibiese- en SA Ruiters met die opwindende “Ranch Rodeo” Kompetisie. Daar gaan ook hierdie jaar vir die amateur ruiters kans wees om ‘n prys los te slaan.

Die Kinder Pretpark sorg soos gewoonlik dat die jongspan besig bly terwyl mamma en pappa die stalletjies kan besoek. Laerskool kinders kry ook hierdie jaar geleentheid om stalletjies te wen met die Kwagga Kinder Kraal kompetisie. Kom kyk gerus watter speletjie of aktiwiteit die 6 wenners bied. Ons het ook ‘n nuwe toevoeging tot die Pretpark vir die kleintjies. Dit is lank, beweeg nie te vinnig nie en beloof om jou kleinding vir ure lank te vermaak.

Saterdagoggend sorg Hannon die Glam Guru vir ‘n paar grimeer- en haartegnieke vir die dames tydens ons dames oggend in die Shoprite Checkers Proe en Kuier tent. Na afloop van die vertoning sal die dames kan kry om ons ontbyt te kom geniet ten bate van die Outjo Kankerfonds.

Shoprite Checkers bied ook hierdie jaar ‘n uitdun rondte vir die al om bekende Shoprite Checkers Boerewors kompetisie. Die wenner van die rondte gaan direk deur na die finale rondte in Windhoek en staan ‘n kans om ‘n Isuzu 4x4 Bakkie te wen. Inskrywings moet aanlyn gedoen word voor die 30ste April 2018.

Die uiters gewilde Shoprite Checkers Proe en Kuiertent sal weer sorg vir heerlike wyn, kaas, sushi, olyf- en vele meer stalletjies met talle demonstrasies wat ook deur die loop van die dag sal plaasvind.

Die vermaaklikheids arena sal sorg vir kompetisies en vermaak deur die loop van die dag vir oud en jonk.

Saterdagaand se SA bekendes sluit in Andriëtte, Nicholis Louw en DJ Ossewa.

Dit kan mos net die Lekkerste Fees in Namibië wees. Sien jou daar.

WILDVEILING

Die baie suksesvolle jaarlikse Wildsveiling word in samewerking met die Otjikondo Boerevereniging en Du Preez Wild aangebied.

Top gehalte genetika van veral Bastergemsbok bly ‘n groot aantrekking vir Wildtelers.

Hierdie Katalogus veiling vind plaas op Saterdag 5 Mei @ 12h00.

Alcohol not be sold to persons younger than 18. Drink responsibly.

Tuiste | Bespreek ‘n Stalletjie | Advertensie Kanse | Kontak Ons